2014 جىلعى 4 قاراشا, استانا قالاسى
سپورتتىق ءىس-شارالاردى وتكىزۋ قاعيدالارىن بەكىتۋ تۋرالى
«دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى قازاقستان رەسپۋبليكاسى زاڭىنىڭ 7-بابىنىن 26) جانە 27) تارماقشالارىنا سايكەس بۇيىرامىن:
1. قوسا بەرىلىپ وتىرعان سپورتتىق ءىس-شارالاردى وتكىزۋ قاعيدالارى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب.قاناعاتوۆ) زاڭنامامەن بەلگىلەنگەن تارتىپتە:
1) وسى بۇيرىقتى قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن ەتكەننەن كەيىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن.
3. «سپورت تۇرلەرىنەن جارىستاردىڭ قاعيدالارىن بەكىتۋ تۋرالى» قازاقستان رەسپۋبليكاسى سپورت جانە دەنە شىنىقتىرۋ ىستەرى اگەنتتىگى توراعاسىنىڭ 2012 جىلعى 25 جەلتوقسانداعى № 446 بۇيرىعىنىڭ (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 8286 بولىپ تىركەلگەن, 2013 جىلعى 21 تامىزداعى № 104 (28133) «ەگەمەن قازاقستان» گازەتىندە جاريالانعان) كۇشى جويىلدى دەپ تانىلسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت ۆيتسە-ءمينيسترى ت.ق.ەسەنتاەۆقا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.مۇحامەدي ۇلى.
قازاقستان رەسپۋبليكاسى مادەنيەت جانە سپورت ءمينيسترىنىڭ
2014 جىلعى 4 قاراشاداعى №74 بۇيرىعىمەن بەكىتىلگەن
سپورتتىق ءىس-شارالاردى وتكىزۋ قاعيدالارى
1. جالپى ەرەجەلەر
1. وسى سپورتتىق ءىس-شارالاردى وتكىزۋ قاعيدالارى (بۇدان ءارى – قاعيدا) سپورتتىق ءىس-شارالاردى وتكىزۋ ءتارتىبىن ايقىندايدى.
2. وسى قاعيدادا مىناداي ۇعىمدار پايدالانىلادى:
1) دەنە شىنىقتىرۋ-سپورت ۇيىمى – نەگىزگى قىزمەت ءتۇرى رەتىندە دەنە شىنىقتىرۋ مەن سپورت سالاسىنداعى قىزمەتتى جۇزەگە اسىراتىن زاڭدى تۇلعا;
2) قازاقستان رەسپۋبليكاسىنىڭ چەمپيوناتى – دەنە شىنىقتىرۋ جانە سپورت سالاسىنداعى ۋاكىلەتتى ورگاننىڭ (بۇدان ءارى – ۋاكىلەتتى ورگان) كەلىسىمى بويىنشا رەسپۋبليكالىق نەمەسە وڭىرلىك اككرەديتتەلگەن سپورت فەدەراتسياسى ازىرلەگەن جانە بەكىتكەن سپورتتىق جارىس ەرەجەسىنىڭ (رەگلامەنتىنىڭ) نەگىزىندە كەمىندە 5 وبلىس, استانا جانە الماتى قالالارى سپورتشىلارىنىڭ (كوماندالارىنىڭ) كاتىسۋىمەن ەتكىزىلەتىن رەسپۋبليكالىق سپورتتىق جارىس;
3) كەشەندى سپورتتىق جارىستار - سپورتشىلار اراسىندا ورىنداردى بولەتىن جانە كوماندالار اراسىندا جالپى كوماندالىق ەسەپتى شىعاراتىن سپورتشىلار نەمەسە كوماندالار اراسىنداعى بىرنەشە سپورت تۇرىنەن سايىستار;
4) وبلىستىق, قالالىق, اۋداندىق جارىستار – دەنە شىنىقتىرۋ جانە سپورت جونىندەگى ءتيىستى جەرگىلىكتى اتقارۋشى ورگانداردىڭ سپورتتىق-بۇقارالىق ءىس-شارالار كۇنتىزبەسىنە ەنگىزىلگەن جارىستار;
5) وقۋ-جاتتىعۋ جيىنى – سپورتشىلاردىڭ سپورتتىق شەبەرلىگىن جانە وقۋ-جاتتىعۋ پروتسەسىنىڭ ساپاسىن ارتتىرۋ ماقساتىندا ۇيىمداستىرىلعان ورتالىقتاندىرىلعان ءىس-شارا;
6) رەسمي حالىقارالىق سپورتتىق جارىستار – سپورت تۇرلەرى بويىنشا حالىقارالىق فەدەراتسيالاردىڭ بۇقارالىق-سپورتتىق ءىس-شارالار كۇنتىزبەسىنە ەنگىزىلگەن حالىقارالىق سپورتتىق جارىستار;
7) رەسپۋبليكالىق سپورتتىق جارىستار – ۋاكىلەتتى ورگاننىڭ سپورتتىق-بۇقارالىق ءىس-شارالار كۇنتىزبەسىنە ەنگىزىلگەن سپورتتىق جارىستار;
8) سپورتتىق جارىس – ۇيىمداستىرۋشىسى بەكىتكەن ەرەجە (رەگلامەنت) بويىنشا وتكىزىلەتىن سايىستىڭ ۇزدىك قاتىسۋشىسىن انىقتاۋ ماقساتىندا سپورت ءتۇرى (تۇرلەرى) بويىنشا سپورتشىلار نەمەسە كوماندالار اراسىنداعى سايىس;
9) سپورتتىق ءپان – ەرەكشە بەلگىلەرى بار جانە سپورتتىق جارىستاردىڭ ءبىر نەمەسە بىرنەشە تۇرلەرىن (باعدارلامالارىن) قامتيتىن سپورت ءتۇرىنىڭ بولىگى;
10) سپورتتىق ءىس-شارا – سپورتشىلاردىڭ, جاتتىقتىرۋشىلاردىڭ جانە دەنە شىنىقتىرۋ مەن سپورت سالاسىنداعى مامانداردىڭ قاتىسۋىمەن وتكىزىلەتىن سپورتتىق جارىس, وقۋ-جاتتىعۋ جيىنى;
11) سپورتتىق ءىس-شارانى ۇيىمداستىرۋشى – وسى قاعيدامەن جانە وزگە دە نورماتيۆتىك قۇقىقتىق اكتىلەرمەن بەلگىلەنگەن تالاپتارعا سايكەس سپورتتىق ءىس-شارانى ۇيىمداستىرۋدى جانە وتكىزۋدى جۇزەگە اسىراتىن زاڭدى تۇلعا;
12) حالىقارالىق سپورتتىق جارىستار – شەتەلدىك سپورتشىلار (كوماندالار) كاتىساتىن سپورتشىلار (كوماندالار) اراسىنداعى سپورت ءتۇرى بويىنشا وتەتىن سايىستار,
3. سپورتتىق جارىستار كەلەسىدەي بولىنەدى:
جەكە – قورىتىندىلارى بويىنشا جەكەلەگەن سپورتشىلاردىڭ (جىنىسىنا, جاسىنا, سپورتتىق بىلىكتىلىگىنە قاراي) يەلەنگەن ورىندارى انىقتالادى;
جەكە-كوماندالىق – قورىتىندىلارى بويىنشا سپورتشىنىڭ جەكە ناتيجەسىنەن باسقا, كوماندالاردىڭ يەلەنگەن ورىندارى انىقتالادى;
كوماندالىق – قورىتىندىلارى بويىنشا تەك قاتىسۋشى كوماندالاردىڭ يەلەنگەن ورىندارى انىقتالادى;
ىرىكتەۋ, بىلىكتىلىك (ليتسەنزيالىق) – قورىتىندىلارى بويىنشا سپورت تۇرلەرى بويىنشا قۇراما كوماندالار قالىپتاستىرىلادى جانە سپورتشىلار مەن كوماندالاردى سپورتتىق جارىستاردىڭ كەلەسى كەزەڭىنە جىبەرۋ جۇرگىزىلەدى.
4. سپورتتىق جارىستارعا كاتىسۋشىلارعا مىنالار جاتادى:
سپورتشىلار;
جاتتىقتىرۋشىلار;
تورەشىلەر;
جانۋارلار;
كوماندالاردىڭ نەمەسە سپورتشىلار توبىنىڭ باسشىلارى جانە وكىلدەرى; دەنە شىنىقتىرۋ-سپورتتىق ۇيىمداردىڭ باسشىلارى; سپورتتىق جارىستار ەرەجەسىندە (رەگلامەنتىندە) كوزدەلگەن جاعدايدا سپورتتىق جارىسقا كىزمەت كورسەتۋ ءۇشىن قاجەتتى باسقا ماماندار.
5. حالىقارالىق جارىستارعا كاتىساتىن سپورتشىلاردىڭ, جاتتىقتىرۋشىلاردىڭ, تورەشىلەردىڭ جانە باسقا مامانداردىڭ ساندىق قۇرامىن سپورتتىق جارىستار ەرەجەسىنىڭ (رەگلامەنتىنىڭ) نەگىزىندە ۋاكىلەتتى ورگان بەكىتەدى.
6. سپورتشىلارعا پراكتيكالىق كومەك كورسەتۋ جانە ولاردىڭ بىلىكتىلىك دەڭگەيى مەن سپورتشىلاردىڭ شەبەرلىگىن بۇدان ءارى دامىتۋ پەرسپەكتيۆالارى تۋرالى قاجەتتى اقپارات الۋ ءۇشىن دەلەگاتسيا قۇرامىنا سپورتتىق مەديتسينا سالاسىنداعى ماماندار ەنگىزىلەدى.
حالىقارالىق وليمپيادا كوميتەتىنىڭ (بۇدان ءارى – حوك) تالاپتارى بويىنشا حوك وتكىزەتىن نەمەسە سونىڭ قولداۋىمەن وتەتىن سپورتتىق جارىستاردىڭ دەلەگاتسيا قۇرامىنا ۇلتتىق وليمپيادا كوميتەتىنىن وكىلدەرى, سونىڭ ىشىندە حالىقارالىق دارەجەدەگى تورەشىلەر دە ەنگىزىلەدى.
7. سپورتتىق جارىستار ەرەجەسى (رەگلامەنتى) مىناداي بولىمدەردى قامتيدى:
1) سپورتتىق جارىستاردىڭ اتاۋى;
2) ماقساتتارى مەن مىندەتتەرى;
3) سپورتتىق جارىستىڭ وتكىزىلۋ ورنى مەن ۋاقىتى;
4) سپورتتىق جارىستى وتكىزۋ جۇيەسى;
5) قاتىسۋشى ۇيىمدار;
6) سپورتشىلاردىڭ, جاتتىقتىرۋشىلاردىڭ, تورەشىلەردىڭ جانە باسقا دا قاتىسۋشىلاردىڭ ساندىق قۇرامى;
7) سپورتشىلاردىڭ جىنىسى مەن تۋعان جىلى;
8) ناتيجەلەردى باعالاۋ جۇيەسى;
9) مەديتسينالىق-سانيتارلىق قامتاماسىز ەتۋ;
10) دوپينگكە قارسى قامتاماسىز ەتۋ;
11) تورەشىلەر القاسىنىڭ ساندىق كۇرامى;
12) سپورتتىق جارىسقا كاتىسۋ ءۇشىن وتىنىمدەر بەرۋدىڭ ءتارتىبى مەن مەرزىمى;
13) كاتىسۋشىلار مەن تورەشىلەردى كابىلداۋ شارتتارى;
14) سپورتتىق جارىستىڭ جەڭىمپازدارى مەن جۇلدەگەرلەردى ماراپاتتاۋ ءتارتىبى;
15) نارازىلىق كورسەتۋ ءتارتىبى جانە ونى قاراۋ;
16) سپورتتىق جارىستارعا قاتىسۋشىلار مەن تورەشىلەردىڭ كەلۋ جانە قايتۋ كۇندەرى.
8. سپورتتىق جارىستىڭ ەرەجەسىنە (رەگلامەنتىنە) سپورتتىق جارىس باستالعانعا دەيىن كەمىندە 14 (ون ءتورت) كۇنتىزبەلىك كۇن بۇرىن وزگەرىستەر نەمەسە تولىقتىرۋلار ەنگىزۋگە بولادى.
2. سپورتتىق جارىستاردى وتكىزۋ
9. حالىقارالىق جانە رەسپۋبليكالىق سپورتتىق جارىستار دەنە شىنىقتىرۋ جانە سپورت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) تانىعان سپورت تۇرلەرى بويىنشا وتكىزىلەدى.
10. قازاقستان رەسپۋبليكاسىنىڭ اۋماعىندا حالىقارالىق سپورتتىق جارىستار حالىقارالىق سپورت ۇيىمدارىنىڭ جانە دەنە شىنىقتىرۋ مەن سپورت سالاسىنداعى ۋاكىلەتتى ورگاننىڭ شەشىمى بويىنشا وتكىزىلەدى.
حالىقارالىق سپورتتىق جارىستار سپورتتىق-بۇقارالىق ءىس-شارالاردىڭ رەسپۋبليكالىق بىرىڭعاي كۇنتىزبەلىك جوسپارىنا (بۇدان ءارى - كۇنتىزبەلىك جوسپار) ەنگىزىلەدى.
11. قازاقستان رەسپۋبليكاسىنىڭ اۋماعىندا حالىقارالىق سپورتتىق جارىستاردى ەتكىزۋگە وتىنىمدەردى رەسپۋبليكالىق نەمەسە وڭىرلىك اككرەديتتەلگەن سپورت فەدەراتسيالارى حالىقارالىق سپورت فەدەراتسيالارىنا ۋاكىلەتتى ورگاننىڭ كەلىسىمى بويىنشا ولاردى وتكىزۋدىڭ بولجامدى كۇنىنە دەيىن كەمىندە 18 (ون سەگىز) اي بۇرىن بەرەدى.
12. قازاقستان رەسپۋبليكاسىنىڭ اۋماعىنداعى كەشەندى حالىقارالىق سپورتتىق جارىستار حالىقارالىق سپورتتىق ۇيىمداردىڭ جانە ۋاكىلەتتى ورگاننىڭ شەشىمى بويىنشا وتكىزىلەدى.
كەشەندى حالىقارالىق سپورتتىق جارىستار كۇنتىزبەلىك جوسپارعا ەنگىزىلەدى.
13. رەسپۋبليكالىق سپورتتىق جارىستار كۇنتىزبەلىك جوسپارعا سايكەس سپورت تۇرلەرى بويىنشا اككرەديتتەلگەن رەسپۋبليكالىق فەدەراتسيالارمەن كەلىسۋ بويىنشا دەنە شىنىقتىرۋ مەن سپورت سالاسىنداعى ۋاكىلەتتى ورگاننىڭ شەشىمى بويىنشا وتكىزىلەدى.
14. كەشەندى رەسپۋبليكالىق سپورتتىق جارىستار كۇنتىزبەلىك جوسپارعا سايكەس ۋاكىلەتتى ورگاننىڭ شەشىمى بويىنشا وتكىزىلەدى.
15. وبلىستىق, قالالىق جانە اۋداندىق سپورتتىق جارىستار اككرەديتتەلگەن ءتيىستى جەرگىلىكتى سپورت فەدەراتسيالارمەن كەلىسۋ بويىنشا سپورتتىق-بۇقارالىق ءىس-شارالاردىڭ وڭىرلىك بىرىڭعاي كۇنتىزبەسىنە سايكەس جەرگىلىكتى اتقارۋشى ورگانداردىڭ (بۇدان ءارى – جەرگىلىكتى اتقارۋشى ورگان) شەشىمى بويىنشا وتكىزىلەدى,
16. قازاقستان رەسپۋبليكاسىنىڭ چەمپيوناتىنا ءتيىستى اكىمشىلىك-اۋماقتىق بىرلىكتە قازاقستان رەسپۋبليكاسىنىڭ ازاماتتارى بولىپ تابىلاتىن سپورتشىلار (كوماندالار) كاتىسادى.
17. حالىقارالىق سپورتتىق جارىستار دەنە شىنىقتىرۋ جانە سپورت سالاسىنداعى ۋاكىلەتتى ورگانمەن كەلىسۋ بويىنشا اككرەديتتەلگەن رەسپۋبليكالىق سپورت فەدەراتسيالارى ازىرلەيتىن جانە بەكىتەتىن جارىستار تۋرالى ەرەجەلەرگە (رەگلامەنتتەرگە) سايكەس وتكىزىلەدى,
رەسپۋبليكالىق نەمەسە وڭىرلىك اككرەديتتەلگەن سپورت فەدەراتسيالارى حالىقارالىق سپورتتىق جارىستار ەرەجەسىن (رەگلامەنتىن) ۋاكىلەتتى ورگانعا جارىستىڭ وتكىزىلۋ كۇنىنە دەيىن كەمىندە 12 (ون ەكى) اي بۇرىن جىبەرەدى.
18. رەسپۋبليكالىق سپورتتىق جارىستار اككرەديتتەلگەن رەسپۋبليكالىق فەدەراتسيالارمەن كەلىسۋ بويىنشا دەنە شىنىقتىرۋ جانە سپورت سالاسىنداعى ۋاكىلەتتى ورگان ازىرلەيتىن جانە بەكىتەتىن جارىستار تۋرالى ەرەجەلەرگە (رەگلامەنتتەرگە) سايكەس وتكىزىلەدى.
رەسپۋبليكالىق نەمەسە وڭىرلىك اككرەديتتەلگەن سپورت فەدەراتسيالارى رەسپۋبليكالىق سپورتتىق جارىستار ەرەجەسىن (رەگلامەنتىن) ۋاكىلەتتى ورگانعا جارىستىڭ وتكىزىلۋ كۇنىنە دەيىن كەمىندە 6 (التى) اي بۇرىن جىبەرەدى,
19. وبلىستىق, قالالىق جانە اۋداندىق سپورتتىق جارىستاردىڭ ەرەجەلەرىن (رەگلامەنتتەرىن) اككرەديتتەلگەن جەرگىلىكتى سپورت فەدەراتسيالارى جانە جەرگىلىكتى اتقارۋشى ورگان بىرلەسىپ بەكىتەدى.
جەرگىلىكتى اككرەديتتەلگەن سپورت فەدەراتسيالارى سپورتتىق جارىستار ەرەجەسىن (رەگلامەنتىن) دەنە شىنىقتىرۋ جانە سپورت جونىندەگى وبلىستىق, قالالىق جانە اۋداندىق اتقارۋشى ورگاندارعا جارىستىڭ وتكىزىلۋ كۇنىنە دەيىن كەمىندە 6 (التى) اي بۇرىن جىبەرەدى.
3. قازاقستان رەسپۋبليكاسى پرەزيدەنتىنىڭ كۋبوگى نەمەسە جۇلدەسى ءۇشىن جارىستاردى وتكىزۋ
20. قازاقستان رەسپۋبليكاسى پرەزيدەنتىنىڭ جۇلدەسىنە نەمەسە كۋبوگىنا جارىستار وتكىزۋدى قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا ۋاكىلەتتى ورگان جۇزەگە اسىرادى.
21. سپورت تۇرلەرى بويىنشا اككرەديتتەلگەن سپورت فەدەراتسيالارى جەرگىلىكتى اتقارۋشى ورگاننىڭ كەلىسىمى بويىنشا سپورتتىق جارىستاردىڭ باستالۋىنا دەيىن كەمىندە 3 ء(ۇش) اي بۇرىن ۋاكىلەتتى ورگانعا مىناداي قۇجاتتاردى ۇسىنادى:
1) سپورت ءتۇرىنىڭ قازاقستان رەسپۋبليكاسىندا جانە حالىقارالىق ارەنادا دامۋىنىڭ جاي-كۇيى تۋرالى اقپارات;
2) سپورتتىق جارىس ەرەجەسىنىڭ (رەگلامەنتىنىڭ) جوباسى;
3) سپورتتىق جارىسقا كاتىساتىن وبلىستاردىڭ (رەسپۋبليكالىق ماڭىزى بار قالانىڭ جانە استانانىڭ) سانى;
4) سپورتتىق جارىسقا قاتىسۋشىلاردىڭ (سپورتشىلار, جاتتىقتىرۋشىلار, تورەشىلەر جانە باسقا ماماندار) جالپى سانى;
5) كاتىسۋشى ەلدەر سانى (حالىقارالىق سپورتتىق جارىستار ءۇشىن);
6) جەرگىلىكتى اتقارۋشى ورگاننىڭ قولداۋ حاتى.
22. ۋاكىلەتتى ورگان سپورت ءتۇرى بويىنشا اككرەديتتەلگەن سپورت فەدەراتسياسىنىڭ قازاقستان رەسپۋبليكاسى پرەزيدەنتىنىڭ كۋبوگى نەمەسە جۇلدەسى ءۇشىن سپورتتىق ءىس-شارانى ەتكىزۋگە ءوتىنىمىن قازاقستان رەسپۋبليكاسى پرەزيدەنت اكىمشىلىگىنە سپورتتىق ءىس-شارانى وتكىزۋدىڭ ورىندىلىعى تۋرالى ءوز قورىتىندىسىن قوسا بەرە وتىرىپ, سپورتتىق جارىستى وتكىزۋ تۋرالى شەشىم قابىلداۋ ءۇشىم جولدايدى.
4. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە ولاردىڭ جۇلدەسى ءۇشىن رەسپۋبليكالىق سپورتتىق جارىستار وتكىزۋ
23. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە جۇلدەسى ءۇشىن رەسپۋبليكالىق سپورتتىق جارىستار وتكىزۋدى ۋاكىلەتتى ورگاننىڭ نەمەسە جەرگىلىكتى اتقارۋشى ورگاننىڭ كەلىسىمى بويىنشا اككرەديتتەلگەن رەسپۋبليكالىق سپورت فەدەراتسيالارى جۇزەگە اسىرادى.
24. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە كوعام قايراتكەرلەرىنىڭ قۇرمەتىنە رەسپۋبليكالىق سپورتتىق جارىستار بەلگىلى سپورتشىنىڭ, جاتتىقتىرۋشىنىڭ, سپورت نەمەسە كوعام قايراتكەرلەرىنىڭ قايتىس بولعان كۇنىنەن باستاپ 5 (بەس) جىل وتكەن سوڭ مۇراگەرىنىڭ (مۇراگەرلەرىنىڭ) جازباشا تۇردە بەرىلگەن كەلىسىمىمەن وتكىزىلەدى.
25. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ جۇلدەسى ءۇشىن رەسپۋبليكالىق سپورتتىق جارىستار بەلگىلى سپورتشىلارىڭ, جاتتىقتىرۋشىلاردىڭ, سپورت نەمەسە كوعام قايراتكەرلەرىنىڭ جازباشا تۇردە بەرىلگەن كەلىسىمىمەن وتكىزىلەدى.
26. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە جۇلدەسى ءۇشىن رەسپۋبليكالىق سپورتتىق جارىستار دەنە شىنىقتىرۋ جانە سپورت سالاسىنا قوسقان اۋقىمدى ۇلەسى ءۇشىن تاعايىندالادى.
27. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە جۇلدەسى ءۇشىن رەسپۋبليكالىق سپورتتىق جارىستار وتكىزۋ ءۇشىن اككرەديتتەلگەن سپورت فەدەراتسيالارى ۋاكىلەتتى ورگانعا سپورتتىق جارىس باستالعانعا دەيىن كەمىندە 2 (ەكى) اي بۇرىن مىناداي قۇجاتتاردى ۇسىنادى:
1) ءومىربايان (بەلگىلى سپورتشىلار, جاتتىقتىرۋشىلار, سپورت جانە كوعام قايراتكەرلەرى ءۇشىن);
2) سپورتشىنىڭ سپورتتاعى جەتىستىگى, جاتتىقتىرۋشىنىڭ, سپورت نەمەسە قوعام قايراتكەرلەرىنىڭ دەنە شىنىقتىرۋ جانە سپورت سالاسىنا قوسقان ۇلەسى تۋرالى اقپارات;
3) بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە كوعام قايراتكەرلەرىنىڭ نەمەسە ونىڭ مۇراگەرىنىڭ (مۇراگەرلەرىنىڭ) جازباشا كەلىسىمى;
4) اككرەديتتەلگەن سپورت فەدەراتسياسىنىڭ بەلگىلى سپورتشىنىڭ, جاتتىقتىرۋشىنىڭ, سپورت جانە قوعام قايراتكەرلەرىنىڭ دەنە شىنىقتىرۋ جانە سپورت سالاسىن دامىتۋعا قوسقان ۇلەسىن راستايتىن حاتى;
5) بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە ولاردىڭ جۇلدەسى ءۇشىن سپورتتىق جارىستاردىڭ ەرەجەسى (رەگلامەنتى).
5. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە كوعام قايراتكەرلەرىنىڭ قۇرمەتىنە
نەمەسە ولاردىڭ جۇلدەسى ءۇشىن وبلىستىق سپورتتىق جارىستار وتكىزۋ
28. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە جۇلدەسى ءۇشىن وبلىستىق سپورتتىق جارىستار دەنە شىنىقتىرۋ جانە سپورت سالاسىنا قوسقان اۋقىمدى ۇلەسى ءۇشىن تاعايىندالادى.
29. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە جۇلدەسى ءۇشىن وبلىستىق سپورتتىق جارىستار بەلگىلى سپورتشىنىڭ, جاتتىقتىرۋشىنىڭ, سپورت نەمەسە قوعام قايراتكەرلەرىنىڭ قايتىس بولعان كۇنىنەن باستاپ 5 جىل وتكەن سوڭ مۇراگەرىنىڭ (مۇراگەرلەرىنىڭ) جازباشا تۇردە بەرىلگەن كەلىسىمىمەن وتكىزىلەدى.
30. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ جۇلدەسى ءۇشىن وبلىستىق سپورتتىق جارىستار بەلگىلى سپورتشىلارىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ جازباشا تۇردە بەرىلگەن كەلىسىمىمەن وتكىزىلەدى.
31. بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ قۇرمەتىنە نەمەسە جۇلدەسى ءۇشىن وبلىستىق سپورتتىق جارىستار وتكىزۋ ءۇشىن اككرەديتتەلگەن سپورت فەدەراتسيالارى جەرگىلىكتى اتقارۋشى ورگانعا سپورتتىق جارىس باستالعانعا دەيىن كەمىندە 2 (ەكى) اي بۇرىن مىناداي قۇجاتتاردى ۇسىنادى:
1) ءومىربايان (بەلگىلى سپورتشىلار, جاتتىقتىرۋشىلار, سپورت جانە قوعام قايراتكەرلەرى ءۇشىن);
2) سپورتشىنىڭ سپورتتاعى جەتىستىگى, جاتتىقتىرۋشىنىڭ, سپورت نەمەسە قوعام قايراتكەرلەرىنىڭ دەنە شىنىقتىرۋ جانە سپورت سالاسىنا قوسقان ۇلەسى تۋرالى اقپارات;
3) بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە قوعام قايراتكەرلەرىنىڭ نەمەسە ونىڭ مۇراگەرىنىڭ (مۇراگەرلەرىنىڭ) جازباشا كەلىسىمى;
4) اككرەديتتەلگەن سپورت فەدەراتسياسىنىڭ بەلگىلى سپورتشىنىڭ, جاتتىقتىرۋشىنىڭ, سپورت جانە كوعام قايراتكەرلەرىنىڭ دەنە شىنىقتىرۋ جانە سپورت سالاسىن دامىتۋعا قوسقان ۇلەسىن راستايتىن حاتى;
5) بەلگىلى سپورتشىلاردىڭ, جاتتىقتىرۋشىلاردىڭ, سپورت نەمەسە كوعام قايراتكەرلەرىنىڭ قۇرمەتىنە نەمەسە ولاردىڭ جۇلدەسى ءۇشىن سپورتتىق جارىستاردىڭ ەرەجەسى (رەگلامەنتى),
6. وقۋ-جاتتىعۋ جيىندارىن وتكىزۋ
32. وقۋ-جاتتىعۋ جيىندارى كۇنتىزبەلىك جوسپارعا سايكەس وتكىزىلەدى.
33. كۇنتىزبەلىك جوسپاردىڭ نەگىزىندە دەنە شىنىقتىرۋ-سپورت ۇيىمدارى وسى قاعيداعا قوسىمشاعا سايكەس نىسان بويىنشا سپورتتىق ءىس-شارالاردىڭ اعىمداعى جىلعا ارنالعان قارجىلىق كۇنتىزبەسىن ازىرلەيدى.
34. نەگىزگى باعىتى سپورتشىلاردى جالپى دەنە شىنىقتىرۋ, تاكتيكالىق جانە سپورتتىق-تەحنيكالىق دايارلاۋ بولىپ تابىلاتىن وقۋ-جاتتىعۋ جيىندارى سپورتتىق جارىستارعا تىكەلەي دايارلاۋ جونىندەگى جيىنداردىڭ ساناتىنا جاتادى.
35. جالپى دەنە دايىندىعى بويىنشا, قالپىنا كەلتىرۋ, سپورتشىلارعا تەكسەرۋ (كەشەندى تەرەڭدەتىلگەن مەديتسينالىق) جۇرگىزۋ جونىندەگى وقۋ-جاتتىعۋ جيىندارى ارناۋلى وقۋ-جاتتىعۋ جيىندارىنا جاتادى.
36. وقۋ-جاتتىعۋ جيىندارىن وتكىزەتىن دەنە شىنىقتىرۋ-سپورت ۇيىمدارى:
تەوريالىق جانە پراكتيكالىق ساباقتاردىڭ, تاربيە جۇمىستارىنىڭ, سپورتشىلاردى دايارلاۋدىڭ دەربەس جوسپارلارىن, كەشەندى عىلىمي توپ جۇمىسىنىڭ, مەديتسينالىق قامتاماسىز ەتۋدىڭ جانە كاۋىپسىزدىكتى ساقتاۋ شارالارىنىڭ جوسپارىن بەكىتەدى;
وقۋ-جاتتىعۋ پروتسەسىن وتكىزۋدىڭ ساپاسىن, سپورتشىنىڭ تەحنيكالىق جانە تاكتيكالىق شەبەرلىگىن جەتىلدىرۋدى, تاربيە جۇمىسىن ۇيىمداستىرۋدى, ءتارتىپتى ساقتاۋدى, م ۇلىكتىڭ ساقتالۋىن قاداعالايدى;
بىلىكتى جاتتىقتىرۋشىلاردى, دارىگەرلەردى, ماسساجشىلاردى, سونداي-اق باسقا دا قاجەتتى قىزمەت كورسەتۋشى پەرسونالداردى انىقتايدى;
تاماقپەن, ءىسساپار شىعىستارىمەن, مەديكو-بيولوگيالىق جانە قالپىنا كەلتىرۋ قۇرالدارىمەن جانە ادىستەرىمەن قامتاماسىز ەتەدى;
وقۋ-جاتتىعۋ جيىندارىن ءتيىستى عيماراتتاردا وتكىزۋدى قامتاماسىز ەتەدى;
قاجەتتى مۇكاممالدارمەن جانە جابدىقتارمەن قامتاماسىز ەتەدى;
سپورتشىلاردىڭ جانە وقۋ-جاتتىعۋ جيىندارىنا باسقا كاتىسۋشىلاردىڭ دەربەس تىزىمدەرىن بەكىتەدى;
سانيتارلىق-گيگيەنالىق, ءورت قاۋىپسىزدىگى, تەحنيكالىق پايدالانۋدىڭ ەرەجەلەرى مەن نورمالارىنىڭ ساقتالۋىن جانە وقۋ-جاتتىعۋ جيىنىنداعى سپورتشىلاردىڭ قاۋىپسىزدىگىن قامتاماسىز ەتەدى;
سپورت تۇرلەرى بويىنشا قازاقستان رەسپۋبليكاسىنىڭ كۇراما كوماندالارىن (سپورت تۇرلەرى بويىنشا ۇلتتىق قۇراما كوماندالاردى) رەسمي حالىقارالىق سپورتتىق جارىستارعا دايارلاۋ كەزىندە سپورتشىنىڭ ءومىرى مەن دەنساۋلىعىن ساقتاندىرۋدى جۇزەگە اسىرادى.
37. سپورتتىق جارىستار مەن وقۋ-جاتتىعۋ جيىندارىن وتكىزۋشى دەنە شىنىقتىرۋ-سپورت ۇيىمدارى سپورتتىق ءىس-شارالاردىڭ قارجىلىق كۇنتىزبەسىنە جانە كۇنتىزبەلىك جوسپارعا سايكەس ءاربىر سپورتتىق ءىس-شارانى جەكە وتكىزۋ ءۇشىن قازاقستان رەسپۋبليكاسىنىڭ زاڭناماسىنا سايكەس سمەتانى بەكىتەدى.
سپورتتىق ءىس-شارالاردى وتكىزۋ قاعيدالارىنا قوسىمشا
نىسان
سپورتتىق ءىس-شارالاردىڭ ءبىر جىلعا ارنالعان قارجىلىق كۇنتىزبەسى
№ ر/س ءىس-شارانىڭ اتاۋى وتكىزىلۋ ورنى مەن مەرزىمى قاتىسۋشىلاردىڭ سانى تورەشىلەر شىعىس-تارىنىڭ تولەمى جالاقىعا اۋدارۋ تاماقتانۋ ءدارى-دارمەك, فارماكو-لوگيالىق قۇرالدار
سپورتشىلار جاتتىق-تىرۋشىلار, باسقا قاتىسۋشىلار
1 2 3 4 5 6 7 8 9
جالعاسى
سپورتتىق ءىس-شارالارعا قاتىسۋ-شىلارعا جۇلدەلەر, مەدالدار, گراموتالار جانە ديپلومدار, كەڭسە تاۋارلارى ەل ىشىندەگى جولاقى, تاۋلىكاقى, تۇرۋ شىعىستارى ەلدەن تىس جەردەگى جولاقى, تاۋلىكاقى, ۆيزالار, جۇكاقى, كەدەندىك جانە باسقا شىعىستار (قازاقستان رەسپۋب-ليكاسىنان تىس) سپورت عيما-راتتارىن جانە مۇكامما-لاردى جالعا الۋ باي-لانىس قىزمەتى اۆتوكولىكتى جالعا الۋ باسپاحا-نالىق جانە وزگە دە شىعىستار (ساقتاندىرۋ جانە ت.ب.) وكىلدىك شىعىستار (ۋاكىلەتتى ورگاننىڭ شەشىمى بويىنشا) بارلىق شىعىستار تەڭگەمەن
10 11 12 13 14 15 16 17 18
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9930 بولىپ ەنگىزىلدى.